Депутаттар отбасы құндылықтарына жіті көңіл бөлу керек - «Qazaqstan» Ұлттық телеарнасы

Депутаттар отбасы құндылықтарына жіті көңіл бөлу керек

29.03.2023

Жаңа сайланған депутаттар отбасы құндылықтарына жеткілікті көңіл бөлу керек. Сондай-ақ, кәсіпкерлікті дамыту, қымбатшылықпен күрес кезінде белсенділік танытуы тиіс. Қоғам пікірі осындай.

Үміт Битенова, ақын:

Тұрмыстағы зорлық-зомбылық, әкенің жауапкершілігінің жоқтығы, ананың тастанды балаларды жасауы, туа салып шарананы лақтырып кетуі – осы жауапсыздықтың бәрі азаматтық некеден пайда болып жатыр. Менің мәжділісмендерге айтарым, ең алдымен, азаматтық неке туралы заңды қайтадан қарау керек және тыйым салу керек.

Бағдат Ізмағанбет, сарапшы:

Кәсіпкерлік дәл қазір үлкен көмекке мұқтаж деп есептеймін. Соның ішінде шағын бизнесті мүлдем салықтан босату мәселелері, жаңа кәсібін ашқандарға мүмкіндік жасау және құзырлы мекемелердің жан-жақтан тексеріп, қыспаққа алуынан арылту, яғни кәсіпті дамыту үшін оған еркіндік керек. Соны қамтамасыз етсе, Жаңа Қазақстанның - елдің экономикасы дамиды деп ойлаймын. Емханаларға барғанда да, мысалы, кезекке тұрып қаласың. Сол жағын реттесе. Сосын қазір қайда барсаң да, қымбатшылық. Жалақы өспейді, баға өсіп жатыр. Сол жағын тепе-теңдікте ұстаса, соған атсалысса деймін.

Хабарламаларға жазылу