Жаңалықтарды Telegram арнамыздан оқыңыз!«Qazaqstan дауысы. Балалар» музыкалық мегажобасының «Көрмей таңдау» кезеңі түсіріліп бітті. Бекітілген уақыттың ішінде барлық жас талант ән шырқап, қазылар таңдауын жасап үлгерді. Таңнан кешке дейін жалғасқан түсірілім бәріне де оңай соқпағаны анық. Жобаның жүргізушісі Жұлдыз Өмірғали ізбасарларының ерекше құлшынысына таңғалғанын жеткізді. Оның айтуынша, биылғы қатысушылардың арасында жас күнінен көзге түсіп үлгерген таланттар жетеді. Бірнеше өнерді бойына жиған балғындар жарыс көрігін қыздырып жатыр. Яғни, көрермен көзайымына айналатын кейіпкерлер көп болады дейді ол.
Жұлдыз Өмірғали, «Qazaqstan дауысы. Балалар» жобасының жүргізушісі:
Шын мәнінде, дауыстарын естіген кезде 10-14 жастағы балалардың сондай кәсіби түре ән айтқана таңмын. «Шаршадың ба?» деп соңғы қатысушылардан сұрасаң, «жоқ» деп көздері жайнап тұрады.
Серік Селеубай
