Астанада «Түркі әйелдерінің зергерлік бұйымдары» көрмесі өтіп жатыр

Астанада Халықаралық әйелдер күніне орай «Түркі әйелдерінің зергерлік бұйымдары» көрмесі өтіп жатыр. Келушілер онда XIX ғасырдағы күмістен жасалған зергерлік бұйымдардың 70 түрімен таныса алады. Бұдан бөлек, көрмеден белгілі суретшілердің көктем, ұлттық әшекей таққан әйелдер бейнесі мен әртүрлі ұлт өкілдерінің салт-дәстүрі мен әдет-ғұрыптары бейнелейтін туындылары қойылған. Шараның мақсаты - мәдениетаралық ынтымақтастықты нығайту, әлемдік және дәстүрлі діндер лидерлері съезінің бастамаларын қолдау. «Түркі әйелдерінің зергерлік бұйымдары» көрмесі Бейбітшілік және келісім сарайында 6 наурыздан 27 наурызға дейін жалғасады.

Дархан Қыдырәлі, ҚР Ақпарат және қоғамдық даму министрі:

Түркі халықтарының мұрасы бір-біріне ортақ болғандықтан, осындағы зергерлік өнердің барлығы біздің халықтарымызға ортақ мұра. Бүгінгі сурет көрмесінен де соны байқауға болады. Осы суреттерді салған және де бүгінгі көрмені ұйымдастырған суретшілер одағына да ризашылық білдіремін.