Жаңалықтарды Telegram арнамыздан оқыңыз!Шығыс Қазақстан облысындағы өзендерде мұз жарып жатыр. Күн райы күрт жылынса, өзен сағасына мұз кептелуі мүмкін. Сондықтан төтенше жағдай қызметкерлері Ертіс, Уба, Бұқтырма және Күршім өзендерінде мұз жармақ. Сең жүрсе жағаға жақын қоныстанған елдімекендерді су басуы мүмкін. Әзірше қауіп басым 4 ауданнан 16 аумақ анықталды. Мұз жару жұмысы әуелі Шемонайха ауданынан басталды. Бұл аудандағы өзендердің көбі бірнеше ауылдың іргесінен ағады. Биыл мұздың қалыңдығы 1 метрге жуықтайды.
Олжас Керейхан
