Сайлауға қатысатын үміткерлер өз құқығын қорғау керек - «Qazaqstan» Ұлттық телеарнасы

Сайлауға қатысатын үміткерлер өз құқығын қорғау керек

14.02.2023

Сайлауға түсуге өтініш берген 3 кандидат соңғы 10 жылда Қазақстан аумағында тұрғанын дәлелдей алмаған. Себебі Орталық сайлау комиссиясы оларға кей жылдары «шетел асып кетті» деп күмән келтірген. Алайда тіркеуден шығып қалғандар сотқа арызданып, саяси додаға қатысуға жарамды деп танылған.

«Қазақстан заңгерлер одағы» құрған арнайы штаб осы іспеттес мәселелерде кандидаттар өз құқығын қорғай білуі керек дейді. Сондай-ақ штаб мүшелері насихат науқаны басталмай жатып үгіт жүргізушілердің де көбейгенін айтады.

Бұл бойынша кандидаттардың үстінен түскен арыз бірден Орталық сайлау комиссиясы мен прокуратураға жолданады.

Серік Ақылбай, «Қазақстан заңгерлер одағы» РҚБ төрағасы:

Қазіргі уақытта тек тіркеу процесі жүріп жатыр. Ал үгіттеу, үгіт-насихат процесі 18-нен кейін болады. Оған дейін ондай әңгімелер болмауы керек. Тек заңның деңгейінде жұмыс істеу керек. Егер шынында да сондай нәрсе өршіп, бір-біріне деген талап-арыз жазып, сайлау комиссияларына беріп жатса, кінәлі жақты алып тастауы мүмкін сайлаудан. 

Айя Мүтәлі

Хабарламаларға жазылу