Жаңалықтарды Telegram арнамыздан оқыңыз!Елімізде полицейлер үш күнде 156 киберқылмысты ашты. Оның ішінде қылмыстық кодекстің «Ақпаратқа заңсыз қол жеткізу», «Авторлық және сабақтас құқықтарды бұзу», «Порнографияны тарату», «Арнайы техникалық құралдарды тарату» сияқты баптар бар. Сондай-ақ, ІТ-технологияларды пайдалана отырып жасалған 13 ұрлық анықталды. Олардың қатарында банктік шоттан ақша үптеп кету сияқты қылмыстар бар. Интернет пайдаланушыларға қатысты 283 алаяқтық әшкереленді.
Шұғыла Тұрлыбек, ҚР ІІМ ресми өкілі:
Мысалы, Жамбыл облысының полиция қызметкерлері интернет алаяқтық сериясына күдікті 20 жастағы Шымкент тұрғынын ұстады. Белгілі болғандай, жігіт Instagram-дағы жалған аккаунтын ашып, жәбірленушілерге банктегі несиелерді төмен пайызбен қайта қаржыландыруға уәде беріп, алдаған. Қазіргі уақытта күдіктінің 5 интернет алаяқтық жасауға қатысы бар екені анықталды.
Азамат Бейбітұлы
