Жазушы Сәбит Досанов - 75 жаста

Әйгілі жазушы Михаил Шолохов атындағы Халықаралық әдеби сыйлықтың лауреаты, ҚР Еңбек сіңірген қайраткері, жазушы Сәбит Досанов -  75 жаста.

Қаламгердің мерейтойы бүгін Алматыда Мұхтар Әуезов атындағы академиялық драма театрда аталып өтті.

Кешке зиялы қауым өкілдері, жазушының шетелдегі қаламдас достары келді.

Тағдырдың талай сынына төзген жазушы оқырман қауымға «Екінші өмір», «Жиырмасыншы ғасыр», «Қынаптан суырылған қылыш» романдары, «Ақ аруана» повесі және бірнеше жыр жинақтарымен таныс. 

Ел Президентінің жүрекжарды тілегін Қазақстан Жазушылар одағының төрағасы, сенатор Нұрлан Оразалин жеткізді. 

Мерейтой иесінің шығармашылық кеші енді туған өлкесінде жалғаспақ.

Дәурен ДАРИЯБЕК