Сирияда 40 сағат бойы үйінді астында қалған 3 бала құтқарылды

 Сирияда зілзала кезінде үйіндінің астында 40 сағат бойы жатып қалған 3 бала мен бір ересек адам құтқарылды.

Соңғы мәлімет бойынша Сирияда жер сілкінісінен қаза тапқандар саны 2 мың 500-ден асты. Қолайсыз ауа-райы мен техниканың жетіспеуі құтқарушылардың жұмысын қиындатып отыр. Жолдардың нашарлығынан олар зардап шеккен аудандарға жете алмай жатыр. Біріккен Ұлттар Ұйымы халықаралық қауымдастыққа Сирияға көмек көрсетуге үндеді. Құтқару жұмыстары күні-түні жалғасуда. Үйінді астынан әлі де дін аман шығып жатқан адамдар бар.