Кабул тұрғындары үйлерін жылыта алмай отыр

Ауғанстан астанасы Кабул тұрғындары үйлерін жылыта алмай отыр. Себебі ағаш пен көмір сатып алатын қаражат жоқ. Елде биыл соңғы 15 жылда болмаған ең қатал қыс тіркелді. Осы айдың өзінде аяздан 160-тан астам адам қайтыс болған. Солардың 84-і өткен аптада ғана көз жұмды. Бұл мемлекет қазір өте ауыр экономикалық дағдарысты бастан кешіп жатыр. Кей аймақтарда ауаның температурасы 34 градусқа дейін төмендеп кеткен. Тағы бір айта кететін жайт, тәліптер билігі әйелдердің үкіметтік емес ұйымдарда жұмыс істеуіне тыйым салғаны белгілі. Сондықтан, қиындыққа душар болған ауғандықтарға халықаралық гуманитарлық агенттіктер көмек көрсете алмай отыр.

Арыстан Рысбек