Тараздық дәрігерлер бірнеше ине жұтып қойған бүлдіршінді аман алып қалды

Тараздық дәрігерлер бірнеше ине жұтып қойған бүлдіршінді аман алып қалды. Тігін инелері 3 жасар баланың ағзасында 8 күн жатқан.

Облыстық балалар ауруханасындағы дәрігерлерге баланың ине жұтып қойғанын анасы айтып келген. Бірақ іштегі иненің санын білмеген. Бүлдіршін ешқандай ауыртпашылықты сезбеген. Дәрігерлер дереу ренген аппаратымен ағзадағы иненің қайда орналасқанын тексерген. Сол кезде бала тек ине емес сырт киімнің сыдырмасын да жұтып қойғаны анықталады. ілген. Қуантарлығы үшкір темір жұтқыншақ, ішек, асқазан мүшелерін тесіп кетпеген. Бір сағатқа созылған медициналық көмек нәтижесінде бүлдіршін ішінен төрт ине, бір сыдырманы алып шыққан.

Мәулім Кенжеалы, облыстық балалар ауруханасы бас дәрігерінің орынбасары:

Эндоскопиялық жолмен және ФГДС, колоноскопиялық жолмен 4 ине алынып шықты. Ал сырт киім сыдырмасы физиологиялық әдіс бойынша үлкен дәретімен шығып кетті. Мұндай жағдай жиі кездісіп тұрады. Ине жұтып қою деген бірнеше рет болды. Тиын, ойыншықтар, замок, сырға деген заттар да болды.