Жаңалықтарды Telegram арнамыздан оқыңыз!
Петропавлда жанып жатқан үйден адамды аман алып шыққан студент «Өртте көрсеткен қайсарлығы үшін» медалімен марапатталды.
Оқиға осы айдың басында болған. Мария Симонова Жұмысшы кентіндегі үйлердің бірі өртеніп жатқанын алғашқы болып көрген. Көп ойланбастан ішке кіріп, іс-түссіз жатқан жігітті алып шығады. Ізінше өрт сөндірушілер мен жедел-жәрдем қызметіне хабарласқан.
Мария Симонова, студент:
Мұндай сәтте көп ойланбайды екенсің. Күшім де көбейіп кеткендей көрінді. Ер адамды далаға көтеріп шығардым. Сәлден соң ол есін шала жиып, іште тағы бір адам барын айтты. Ол кезде үйге кіру мүмкін емес еді. Екінші кісіні өрт сөндірушілер алып шықты.
Э.Кәленова
