Жаңалықтарды Telegram арнамыздан оқыңыз!Конституциялық сот Тұңғыш Президент - Елбасы туралы заңның күшін жойды. Төраға Эльвира Әзімова мен судьялар қатысқан ашық отырыста Қазақстан Республикасы Парламенті бір топ депутаттарының Қазақстан Республикасы Конституциясының 62-бабының 4-тармағына ресми түсіндірме беру туралы өтінішін қарады.
Соның нәтижесінде аталған заң мен өзге де нормаларды алып тастау туралы Қазақстан халқының еркіне негізделе отырып, «Қазақстан Республикасының Тұңғыш Президенті - Елбасы туралы» заңның сақталуына құқықтық негіздер жоқ деп тану туралы шешім қабылданды.
Осыған байланысты бұл заңның күші жойылды деп танылды. Конституцияның 74-бабы 3-тармағына сәйкес нормативтік қаулы қабылданған күннен бастап күшіне енеді. Республиканың бүкіл аумағында жалпыға бірдей міндетті, түпкілікті болып табылады және шағымдануға жатпайды.
Серік Селеубай
