Жаңалықтарды Telegram арнамыздан оқыңыз!
Атаулы әлеуметтік көмек алатын отбасыларға берілетін азық-түлік пен тұрмыстық химия жиынтығы енді берілмейді. Бір жастан алты жасқа дейінгі балаларға арналған әлеуметтік қолдау пакетінің орнына қаржылай төлем жасалады.
Бұл өзгеріс ата-аналардан келіп түскен өтініштен кейін қабылданған. Әр балаға - 1,5 айлық есептік көрсеткіш мөлшерінде, яғни 5174 теңге төленеді. Бұдан бұлай ата-аналар балалардың қажеттіліктеріне байланысты керек тауарларды өз бетінше сатып ала алады.
«Алтын алқасы» бар, «Батыр ана» атағын алған, I және II дәрежелі «Ана даңқы» ордендері табысталған аналардың жәрдемақысы да ұлғаяды. Оларға енді ай сайын 25 530 теңге төленеді.
Сондай-ақ елде айлық есептік көрсеткіш 1 қаңтардан бастап – 3 450 теңге деп есептеледі. Ал 40 567 теңге ең төменгі күнкөріс шегі деп бекітіледі. Ал ең төменгі жалақы 60 000-нан 70 000 теңгеге дейін өсті.
Данияр Асылбек
