«Астана Опера» театрының көркемдік жетекшісі қызметіне Алтынай Асылмұратова тағайындалды

«Астана Опера» театрында кадрлық өзгерістер. Бұдан былай театрдың көркемдік жетекшісі қызметін Алтынай Асылмұратова атқаратын болса, бас дирижер болып Алан Бөрібаев тағайындалды. Бұл екеуі де шетелді бағындарған қазақтың өнер майталмандары. Алтынай Асылмұратова - Ресейдің Халық әртісі. Ал Алан Бөрібаев - Ирландияның радиосы мен телеарнасының ұлттық симфониялық оркестрінің бас дирижері, әрі көркемдік жетекшісі болған. Екеуі де түрлі халықаралық байқаулардың жеңімпаздары. «Олардың шетелде жинаған тәжірибесі театр әртістерінің кәсіби деңгейін көтеруге ықпал ететініне сенімдіміз»,-дейді театр басшылығы.

Сәуле АЛДАМҰРАТҚЫЗЫ