Жаңалықтарды Telegram арнамыздан оқыңыз!Екібастұзға апаттық жөндеу бригадаларына көмекке барып жатқандар уақыт санап артып келеді. Бүгін тағы 200-ден аса адам қосылып, жұмыс істеп жатқандардың саны 850-ден асты. Шаһардың орталық жылу желісі тұтастай іске қосылды. Ендігі жұмыс үйлердің кіреберісі мен жертөлесінде, пәтер ішінде жүріп жатыр. Жөндеу бригадаларының бірін Әбілсейіт Әбубәкіров басқарады. Оның қарамағындағы 34 адам 3 топқа бөлінген. Олар қатып қалған құбырларды қыздырып, жарылған батареяларды алмастыруға жәрдемдесіп жүр. Бригада соңғы пәтерге жылу берілгенге дейін кеншілер қаласында болмақ.
Әбілсейіт Әбубәкіров, Жөндеу бригадасының жетекшісі:
Әрине аяғына дейін боламыз. Мына жұмыстарды бітірмей біз ешқайда кетпейміз. Суды, жылуды беріп, халықпен бірге осындамыз. Біз бұнда 29 қарашадан жүрміз.
