Жаңалықтарды Telegram арнамыздан оқыңыз!Футболдан әлем чемпионатында түндегі С тобының ойындары тартысты өтті. Аустралия мен Дания кездесуінде Кристиан Эриксен бастаған жігіттер фаворит болған еді, алайда аустралиялық ойыншы Мэтью Лекидің голы ойын тағдырын шешіп кетті.
Осылайша 2006 жылдан кейін Аустралия құрамасы әлем біріншілігінің плей-офф кезеңіне шықты. Польша мен Аргентина арасында да қызықты ойын өрбіді. Ойынның екінші таймында Месси бастаған жігіттер екі гол соқты. Осы сәтте Мексика Сауд Арабиясы құрамасын 2-0 есебімен жеңіп жатқан еді. Екінші орынға Польша мен Мексика құрамаларының таласы қыза түсті. Алайда соңғы минуттарда Сауд Арабиясы Мексика қақпасына гол соғып, сенімді түрде Польша плей-офф кезеңіне өтті.
