Депутат: Жастардың көбі несиесін төлей алмай жүр

Студенттердің несие алғаны жайлы ата-аналарына хабарлап отыру керек. Бүгін Мәжілісте осындай бастама көтерілді. Депутат Александр Милютиннің айтуынша қазір жастардың көбі микрокредиттік ұйымдарға берешек. Алатын шәкіртақыларымен несиені өтей алмайды. Кейін оған үстемақы қосылады, шағын банктер ата-аналарына қоңырау шалып, қарызды өтеуді талап ете бастайды. Алайда ол уақытта несие мөлшері студенттің ғана емес, ата-ананың өзіне де ауырлық келтіреді дейді депутат. Сол үшін жастардың қарыз алғаны жайында ата-аналарына хабарлап отыру керек деген пікірде. Әрі әскерге аттанған жігіттердің несиесі болса, отан алдындағы борышын өтегенше оны шегере тұру қажеттігін айтты.

Досжан Маратұлы