Жаңалықтарды Telegram арнамыздан оқыңыз!Павлодар облысының Ақсу қаласындағы ауыл шаруашылық фермасы 500 млн теңге субсидияны мемлекетке кері қайтаратын болды. Себебі «Крон-Агро» шаруашылығы жем-азық дайындайтын цехты салғанда, құрлыс талаптарын сақтамаған. Ал субсидия дәл осы нысан үшін бөлінген болатын.
Қала аумағында орналасқан тауарлы-сүт фермасы бұған дейін де тұрғындардың наразылығын тудырып келді. Жағымсыз иіске тұншыққан жұрт қанша шағымданса да, тексерулер оң нәтиже бермей келген еді. Ферма құрылтайшыларының бірі облыстың экс -әкімі Болат Бақауовтың туыстары.
Ақеділ Ибраева, Павлодар облыстық сотының баспасөз хатшысы:
Облыстық ауыл шаруашылығы басқармасы мен Крон-Агро серіктестігі арасындағы инвестициялық субсидияландыру туралы келісім құжатын сот заңсыз деп тапты. Шаруашылық енді 489 млн 788 мың теңге көлеміндегі бюджет қаражатын мемлекет есебіне қайтаруы тиіс.
Болат Аманбаев
