Жаңалықтарды Telegram арнамыздан оқыңыз!Біріккен Ұлттар Ұйымының Бас Ассамблеясы Ресейді Украинаға репарация төлеуге шақыратын резолюция қабылдады. Оны 193 елдің 94-і қолдап дауыс берген.
Бұл қарар міндетті түрде орындалмаса да, саяси маңызға ие. Ресейдің осы ұйымдағы тұрақты өкілі құжат мақұлданғаннан кейін, Батысты Ресейдің жүздеген миллиард доллар қаражатын заңсыз шығындамақ деп айыптады.
Ал Украина елшісі Сергей Кислицаның пікірінше, Ресей әскері үйлерді, ауруханаларды, зауыттар мен фабрикаларды қиратып, адамдарды қырғынға ұшыратқаны үшін құн төлеуге міндетті. Бұған дейін халықаралық ақпарат агенттіктері шетелде Ресейдің 300 миллиард долларлық активтерінің бұғатталғанын хабарлаған еді.
Арыстан Рысбек
