Қызылорда облысындғы сайлау учаскелері саяси науқанға дайын

Қызылорда облысында Президент сайлауын өткізуге соңғы дайындық жүріп жатыр. 373 сайлау учаскесі қажетті құрал-жабдықтармен қамтылуда.

Сыр өңіріне арнайы келген Орталық сайлау комиссиясының хатшысы Мұхтар Ерман комиссия мүшелерімен кездесті. Әрбір азамат сайлаудың заңдылықтары мен тәртібін сақтап, ал комиссия мүшелері ашық және әділ өтуіне үлес қосуы керек. Ең бастысы сайлау учаскелерінде дауыс берушілер үшін қолайсыздық туындамауы тиіс.

Мұхтар Ерман, Орталық сайлау комиссиясының хатшысы:

Өзекті мәселе интернеттің жылдамдығы. Техникалық қауіпсіздік мәселесі және ақпараттандыру. Көптеген ролик, газеттерде модульдер басылып шығып жатыр. Операторлар тарапынан хабарламалар түсіп жатыр. Бірақ оған қарамастан әрбір сайлаушыға біз шақыру қағазын жеткізуіміз керек.

Әділбек Серікұлы