Алматыда жұртты алдаған алаяқ ұсталды

Алматыда жұртты қаржы пирамидасының шырмауына түсірген алаяқ сотталды. Ол зергерлік дүкендер желісінің атын жамылып, қаржы пирамидасын ұйымдастырған. Қаржылық мониторинг агенттігі жүргізген тексеру нәтижесінде 200-ге жуық салымшыға 123 миллион теңге қайтарылды. Қазір дауға қалған компания басшысының өзге сыбайластарына қатысты тергеу жүріп жатыр.

Әлібек Әбділов, ҚР Қаржылық мониторинг агенттігінің ресми өкілі:

Сот үкімімен қаржы пирамидасын ұйымдастырушы кінәлі деп танылып, ол 5 жыл мерзімге қаржылық қызметпен айналысу құқығынан айырылып, 6 жыл 8 айға бас бостандығынан айырылды. Қылмыстың қалған сыбайластарына сотқа дейінгі іс жүргізу аяқталуға жақын.

Досжан Маратұлы