Жаңалықтарды Telegram арнамыздан оқыңыз!Қатар футболдан Әлем чемпионатын қабылдауға тас-түйін дайын. Бір ай бойы өтетін жарысқа бұл ел төрт жыл әзірлік барысында 7 жаңа стадион салып, 1 стадионды толық күрделі жөндеуден өткізген. Біріншіліктің барлық ойындары бес қалада орналасқан осы алаңдарда өтеді. Ұйымдастырушылар доп додасын тамашалауға 1 млн 200 мыңдай жанкүйер келеді деген болжам жасап отыр. Қатар футболдан Әлем чемпионатын өткізуге осы күнге дейін 300 млрд доллар жұмсаған. 20 қарашада басталатын төрт жылдықтың басты бәсекесін Ұлттық арна мен «Qazsport» телеарналары тікелей көрсетеді. Әрі бір ай бойы тікелей эфирде арнайы бағдарламалар ұсынады.
