Шымкент тұрғындарының 56% cайлауда дауыс беру құқығына ие

Шымкент қаласы тұрғындарының 56 пайызы алдағы президент сайлауына қатысып, дауыс беру құқына ие. Яғни 634 мыңнан астам сайлаушы өз таңдауын жасай алады. Шаһар аумағында сайлауға байланысты 311 учаске жасақталып отыр. Бүгін Орталық сайлау комиссиясының хатшысы Мұхтар Ерман Шымкент қаласындағы сайлау комиссиялары және жергілікті атқарушы орган өкілдерімен сайлауға әзірлік және оны өткізу жайын пысықтады.

Қазір комиссия мүшелері сайлаушылар тізімін нақтылаумен айналысып жатыр. Барлық учаске дауыс беруге қажетті құралдармен жабдықталған. Сондай-ақ мүмкіндігі шектеулі азаматтардың таңдау жасауына да қолайлы жағдай жасалған.

Мұхтар Ерман, Орталық сайлау комиссиясының хатшысы:

Көрші елдерден, алыс елдерден бірнеше делегация келеді. Олар сайлауға қатысады. Сонымен қатар бірнеше саяси партия, қоғамдық ұйымдардың атынан қатысатын азаматтар барлық сайлау учаскелерінде жұмыс жасайтын жоспары бар.

Ғани Қалмахан