Астанада Үкімет басшыларының кезекті кеңесі өтіп жатыр

Астанада ТМД-ға мүше мемлекеттер Үкімет басшыларының кезекті кеңесі өтіп жатыр. Тараптар алдымен шағын құрамда бас қосты. Премьер-Министр Әлихан Смайыловтың төрағалығымен басталған отырыста Үкімет басшылары Тәуелсіз Мемлекеттер Достастығындағы экономикалық өзара іс-қимылдың өзекті мәселелері бойынша пікір алмасады. Сонымен бірге 2023 жылы Беларусь Республикасында ТМД елдерінің II ойындарын ұйымдастыру мәселесін талқылайды. Бұдан кейін кеңейтілген құрамда жиын өткізу жоспарланып отыр.