Нью-Йоркте Қазақстан Туы көтерілді

Қазақстанның Республика күнін АҚШ та атап өтті.

Мерекеге орай Нью-Йорк қаласында еліміздің әнұраны ойналып, туы көтерілді. Салтанатты рәсімге Қазақстанның осы шаһардағы бас консулы Раушан Есбулатова мен мегаполис мері Эрик Адамс қатысты. Осылайша, АҚШ шаһары алғаш рет еліміздегі мерекеге орай айрықша құрмет көрсетті.

Эрик Адамс, Нью-Йорк қаласының мэрі:

Қазақстан қауымдастығы біздің қаламызды құрметтейтіндердің қатарында. Біз осындағы бас консулмен көп жылдан бері жақсы доспыз. Бұл өте белсенді қауымдастық. Бизнес ашып, ынтымақтастық нығайтып жатыр. Сіздер білімнің қуатын түсінген елсіздер. Осында Сіздердің туларыңызды көтеру арқылы біз Нью-Йорк қаласының қуаты мен рухын көтереміз. Сіздерге осы қаладағы алуан түрлі мәдениетті насихаттауға үлес қосқандарыңыз үшін рахмет.

Жалғас Алтаев