Жаңалықтарды Telegram арнамыздан оқыңыз!Республика күні Ақтөбе облысында қазан айының басынан тойланып жатыр. Қазір Ақтөбе мен барлық аудандарда «Жанашыр жүрек», «Таза табиғат» және «Қыран елім – Қазақстаным!» акциялары жалғасып жатыр. Барлық білім беру ұйымдарында тұрақты түрде диктант, эссе байқаулары мен пікірсайыс турнирлері өткізіледі. Сондай-ақ, барлық мәдениет мекемелерінде де ауқымды шаралар ұйымдастырылмақ. Мәселен, облыстық драма театр сахнасында «Қазақстан – жаңа тарих бастауы» деп аталатын танымдық шара мен «Темір нарком» спектаклі қойылады. Ал, «Егеменді елім» атты негізгі іс-шара өнер орталығында өтеді. Сондай-ақ, еліміздің қалыптасуы мен республиканың нығаюына елеулі үлес қосқан азаматтарға құрмет көрсетіледі.
Серік Қонақбаев, облыстық Ішкі саясат басқармасы басшысының орынбасары:
Республика күнін мерекелеу жалпыұлттық тұтастығымызды, қалыптасқан мемлекеттілігімізді айшықтай түсетін бүкілхалықтық мейрам. Осыған байланысты, Ақтөбе облысында 25 қазан Республика күнін мерекелеудің облыстық жоспары әзірленді. 25 қазан Республика күніне арналған іс-шаралар қазан айының 3-нен басталды, 25 қазанға дейін жалғасатын болады. Облыстық жоспарға барлығы 107 шара еніп отыр.
Жақсыбек Кемал
