«Аманат» кәсіподақтар достастығы президент сайлауына Мейрам Қажыкенді ұсынды

Президенттікке тағы бір кандидат. «Аманат» Қазақстан кәсіподақтары достастығы атынан «Астана» халықаралық ғылыми-зерттеу кешенінің Экономикалық зерттеулер институтының басшысы Мейрам Қажыкен ұсынылды. Үміткер бұған дейін 2015 жылы қазіргі қоғамды зерттеу институтының директоры қызметін атқарған. 2015-2018 жылдары Қазақстан кәсіподақтар федерациясы жанжалдарды зерттеу және шешу жөніндегі оқу орталығының директоры болды. 61 жастағы Мейрам Қажыкен ертең Орталық сайлау комиссиясына барып, үміткер ретінде тіркелу жұмыстарымен айналысатынын мәлімдеді.

Асылбек Данияр