Ресейде коронавирус жұқтырғандар саны күрт көбейді

Бір тәулікте 60 мыңға жуық адамнан індет анықталған.

Индира Бегайдар, тілші:

Ресейде қоғамдық орындарда маска тағу міндеттелген, кей мекемелер қашықтан жұмыс істеп жатыр. Осыған дейін Мәскеу мен Санкт-Петербург қалалары індет жұқтырғандар бойынша көш басында болса, қазір 50-ден астам өңірде эпидахуал күрделі. Науқастардың 90 пайызында омикронның жаңа штамы анықталған.

Владимир Евсеев, сарапшы:

Вакцинациялау қарқынын жеделдетуіміз керек. Өкінішке орай, бұл науқан өте баяу жүруде. Еліміз бірнеше вакцина шығарды. Соны пайдаланып, ақпараттандыруды дұрыс жүргізу қажет.

«Тамыз айының алғашқы күндері басталған коронавирустың жаңа толқыны аяқталуға жақын»,- дейді дәрігерлер. Дегенмен қазір вирус жұқтырғандарға арналған емханаларда орын жоқ. Санкцияға байланысты Ресейде дәрі-дәрмек тапшылығы да анық сезіледі.