Жаңалықтарды Telegram арнамыздан оқыңыз!Қазақстан-Қытай шекарасындағы «Алтынкөл-жол» кеден бекетінде құны 1 млрд теңгеден асатын контрабандалық жүк тәркіленді. Салмағы 137 тонна 6 контейнер тауар транзитпен Ресей еліне өтіп бара жатқан. Кеденшілердің сканерлік тексеру нәтижесінде құжатта мата деп көрсетілген тауар басқа болып шықты. Кедендік тексеру барысында джинс, шалбар, күртеше, тері тон, белдемше, пижама, әртүрлі әйелдер киімі табылды. Қазіргі уақытта «Алтынкөл-жол» кеден бекетінің басшылығы тарапынан жинақталған аталмыш істі қылмыстық-процессуальдық шешім қабылдау үшін Жетісу облыстық экономикалық тергеу департаментіне жіберу мәселесі қарастырылуда.
Бекен Нұрахметов, «Алтынкөл-жол» кеден бекетінің бас маманы:
Бұл тауарлар контейнердегі ілеспе құжаттарда мата деп көрсетілген. Жалған құжат. Жалған мәлімдемелер. Ал мата дегеніміз бұл кедендік салықтық көлемі, алымы төмен тауарлардың қатарына жатады.
