Президент «CLAAS Group» компаниясы бақылау кеңесінің төрағасымен кездесті - «Qazaqstan» Ұлттық телеарнасы

Президент «CLAAS Group» компаниясы бақылау кеңесінің төрағасымен кездесті

13.09.2022

Ауыл шаруашылығы техникасы паркін жаңарту қажет. Мемлекет басшысы «CLAAS Group» компаниясы бақылау кеңесінің төрағасымен кездесуде осы мәселеге басымдық берді. Катрина Клаас-Мюльхойзер Қазақстанда ауыл шаруашылығы техникасы өндірісін кеңейту жөніндегі жоспарларын айтты. Компания былтыр Петропавлда комбайндарды, тракторларды, егіс кешендерін және астық жинау машиналарын құрастыратын зауытты іске қосты. Бүгінге дейін өнімділігі жоғары комбайндарды қосқанда 400-ден аса техника құрастырылды. Кездесуде ынтымақтастықтың дамуына оң баға берілді.


Хабарламаларға жазылу