Елордада Ислам институты ашылды - «Qazaqstan» Ұлттық телеарнасы

Елордада Ислам институты ашылды

08.09.2022

Елордада Ислам институты ашылды. Қазақстан мұсылмандары діни басқармасына қарасты білім беру мекемесіне әйгілі ғұлама Хусамуддин әс-Сығанақидың есімі берілген.

Институтты ашудағы мақсат - имамдардың білімін тереңдету, араб тілін жетік меңгеруіне ықпал ету және діни мәселелерді түсіндіру қабілетін ашу. Бұдан бұлай, жастардың құран жаттап, изажа яғни білім беруге рұқсатты шетелге сабылмай-ақ осы діни-ғылыми орталықтан ала алады. Қазір мұнда 50-ден астам шәкірт бар. Инситутқа жыл сайын 30 адам қабылданады. Студенттер оқуды аяқтаған соң ислам дінін терең меңгерген ғалым болып шығады.

Наурызбай Қажы Тағанұлы, Қазақстан мұсылмандары діни басқармасының төрағасы, Бас мүфти:

Бұл институт жалпы 2 жыл білім береді. Ал, енді 1 жылдық дайындық курсы болады. Сонымен 3 жылға созылады. Егер, дайын келген үміткер емтиханды жақсы тапсыратын болса, 2 жыл осында оқитын болады.

Асылбек Данияр

Хабарламаларға жазылу