Жаңалықтарды Telegram арнамыздан оқыңыз!БҰҰ бас хатшысы Антониу Гутерриш Ресей мен Украинаға Запорожье атом электр станциясы аумағын қарусыз аймақ етуді ұсынды. Бұл ұсынысқа Киев қолдау білдірді. Ал Ресейдің БҰҰ-дағы өкілі болса, АЭС қауіпсіздігін өздері қамтамасыз етіп жатқанын мәлімдеп, онда ауыр артиллерия жоқ деп жауап берді. Бұған дейін Атом энергетикасы жөніндегі халықаралық агенттік өз сарапшыларының Ресей күштерінің бақылауындағы станцияға жасаған сапары бойынша баяндама жариялады. Комиссия «Запорожье» атом электр станциясындағы ахуал қауіпті, нысанда ядролық қауіпсіздіктің 7 міндетті компоненті бұзылған деген қорытынды жасаған.
