Басты Жаңалықтар Алматыдан Қостанай облысына 50 тонна гуманитарлық көмек жіберілді

Алматыдан Қостанай облысына 50 тонна гуманитарлық көмек жіберілді

05.09.2022 10:00

Алматыдан Қостанай облысындағы өрттен зардап шеккендер тұрғындарға алғашқы гуманитарлық көмек жіберілді. «Amanat» партиясы Алматы қалалық филиалы жанынан зардап шеккендерге гуманитарлық көмек қабылдау пункті ашылды. Еріктілер тобы құрылып, 8 ауданда жұмыс жұмыс істеп жатыр.

Қуан Нұрақын, тілші:

Гуманитарлық көмек тиелген жүк көлігінің алғашқы легі бүгін түнде аттанды. Еріктілердің сөзінше, қала тұрғындары қол ұшын созуда белсенді. Тіпті арасында құрылыс заттарын әкелгендер де бар.

Мақсат Шегебаев, ерікті:

Барлығы ерікті түрде өздерінің жағдайына қарамастан көмектесуде. Тек қана белсенділер мен партиялықтар, қайраткерлер ғана емес, қала тұрғындары да өз ерік- жігерлерін көрсетіп жатыр.

Қуан Нұрақын, тілші:

Қостанайға жіберілген алғашқы көмектің салмағы 50 тонна. Дені алыс жолға жарамды азық-түлік пен жеке гигиеналық заттар.

Мейіржан Отыншиев, «Amanat» партиясы Алматы қалалық филиалының атқарушы хатшысы:

Екі фураны Қостанай облысына жолдап жатырмыз. Сонымен қатар ертең тағы да осындай төрт жүк көлігін жіберу жоспарымыз бар. Қала тұрғындары өздері келіп кішігірім көмегі болса да әкеліп жатыр. Киім-кешектер, май, тұз, қант, ұн деген сияқты.

Қуан Нұрақын, тілші:

«Amanat» партиясы өкілдерінің хабарлауынша, қол ұшын созамын, көмектесемін деген азаматтар болса қалалық партияның филиалында гуманитарлық пункті ашылған. Мекенжайы Абылай хан көшесі, 79-шы ғимаратта орналасқан.

Қуан Нұрақын

Автор

Қуан Нұрақын

Бөлісу