Жаңалықтарды Telegram арнамыздан оқыңыз!Павлодар облысында мұнай өнімдерін заңсыз тасымалдамақ болған тағы бір қылмыстық топ құрықталды. Олар жалпы құны 90 миллион теңге болатын «АИ-95» маркілі бензин құйылған 5 вагон-цистернаны жанармай қоспасы деген желеумен Өзбекстанға аттандырмақ болған. Тексереріс кезінде цистернадағы 280 тонна өнім «К-4» экологиялық класындағы сапалы бензин екені анықталды. Белгілі болғандай келісім шарт бойынша шетел компаниясының пайдасына елден жалпы сомасы 45 миллион долларға 50 мың тонна мұнай өнімдерін экспорттау жоспарланған. Тергеу басталды.
