Жаңалықтарды Telegram арнамыздан оқыңыз!Амстердамда өткен «Таэквондо Айтиэф» жасөспірімдер арасындағы әлем чемпионатынан қазақстандық атлеттер жүлделі оралды. Халықаралық жарысқа елімізден 28 спортшы аттанған. Нәтижесінде олар 1 алтын, 5 күміс, 11 қола медаль иеленді. Спорттық додаға 30-дан астам елден, 600-дей спортшы қатысқан. Бүгін жас буын таэквондошылар Алматыға келіп, жақындарымен қауышты. Құттықтаулар қабылдады. Ұлттық құраманың бапкерлері, бұл - әсіресе, пандемиядан кейін өте жақсы көрсеткіш екенін айтып отыр.
Іңкәр Әлиақпарова, таэквондошы:
Топтық жарыста екінші орын, топтық екінші орын жәнеөзім шыққан спарингтен үшінші орын алдым. Кореяда болады деп жатыр, соған дайындалып, бірінші орын алуға тырысамын. Сондай арманым бар.
Серік Әбдіхамит, Таэквондо ITF -тен Қазақстан құрамасының мүшесі:
Жарыс жақсы өтті. Жарыста жақсы конкуренция болған. Көп тәжірибе алдық. Жоспарымыз бар, келесі жарысқа дайындалып шығамыз.
Фариза Мұсақызы
