Жаңалықтарды Telegram арнамыздан оқыңыз!
Украинаның Одесса портынан алғашқы жүк кемесі бүгін жолға шығуы мүмкін. Мұны «BBC» хабарлады. Оның дерегінше, жүгері тиелген су көлігі Сьерра-Леоне мемлекетінің туымен Ливанға жергілікті уақытпен сағат 8:30-да аттануы керек. Осыған дейін Түркия президентінің баспасөз қызметі де Украина порттарынан астық тиелген кемелердің дүйсенбіде шетелге кете бастайтынын хабарлаған еді. Ресей мен Украина Біріккен Ұлттар Ұйымы мен Түркияның арағайындығымен астық экспортын жандандыру туралы келісімге өткен айда Ыстамбұлда қол қойды.
Айта кетсек, әскери жанжал кесірінен Украинаның қоймаларында 22 миллион тонна бидай мен өзге де ауылшаруашылығы өнімдері жиналып қалып, халықаралық нарыққа шыға алмай отыр.
Арыстан Рысбек
