Жаңалықтарды Telegram арнамыздан оқыңыз!Елімізде әуе билеттерінің бағасы 15%-ке өсті. Ұлттық статистика бюросының дерегіне сәйкес, былтырмен салыстырғанда билет 21%-ке қымбаттаған. Елдегі ірі әуе компаниялары халықаралық бағытқа арналған билет бағасының өсуіне доллардың қымбаттауы әсер етті дейді. Ал енді бірі бұған авиациялық отын, қосалқы бөлшектерді сатып алу және жеткізу шығыны мен инженерлік-техникалық қызмет көрсету бағасының өсуі түрткі болғанын айтады. Жауаптылар жаз маусымында ел ішіндегі сапарлар үшін билеттің қымбаттауын сұраныстың көбеюімен байланыстырып отыр. Бір ғана әуе компаниясы биыл 1 млннан аса жолаушы тасымалдаған. Бірақ билет бағасының өскеніне қарамастан, қазақстандықтар шетелге жиі саяхаттайды. Компаниялар мәліметіне сәйкес, азаматтар Түркия, Таиланд пен Біріккен Араб әмірліктеріне жиі сапарға шығады екен.
Ақерке Бектас
