Қазақстан тұңғыш рет жеңіл атлетикадан әлем чемпионатында алтын медаль алды.
Орегонда өтіп жатқан дүбірлі додада әйелдер арасында 3 мың метрге кедергілермен жүгіру жарысының финалы өтті. Жарыстың негізгі фавориттерінің бірі - Қазақстан өкілі Нора Джеруто болатын. Ол белгіленген қашықтықты 8 минут 53 секундта бағындырып, жеңімпаз атанды.
Бұл алтын медаль Қазақстанның жеңіл атлетика тарихындағы бірінші алтыны. Екінші орынды эфиопиялық спортшы Веркуха Гетачью, ал үшінші орынды оның отандасы Мекидес Абебе жеңіп алды.