Панамада жанармай мен азық-түлік бағасы төмендеді - «Qazaqstan» Ұлттық телеарнасы

Панамада жанармай мен азық-түлік бағасы төмендеді

12.07.2022

Панама үкіметі жанармай және он негізгі азық-түлік түріне бағаны арзандатты. Мұндай шешімге елде бір апта бойы тоқтамаған шерулер түрткі болған. Мұғалімдер, кәсіподақтар қымбатшылыққа қарсы шыққан. Оларға құрылысшылар мен тұрғындар да қосылды. Наразы топ талаптары орындалмайынша, шеруді жалғастыруға бел буған. Кейін Панама президенті Лаурентин Кортизо теледидар арқылы үндеу жасап, бағаларды өсірмеуге, инфляцияны тежеуге уәде берді. Қазір билік пен кәсіподақтар және қоғамдық ұйымдар арасында келіссөз жүріп жатыр.

Арай Төлегенқызы


Хабарламаларға жазылу