Атырау облысында 10 адам суға кетіп, көз жұмды

Атырау облысында жыл басынан бері 10 адам суға кетті. Оның үшеуі шомылу маусымы кезінде көз жұмған. Екеуі кәмелетке толмаған бала. Қазір облыстың су айдындарында қайғылы оқиғаны болдырмау үшін Төтенше жағдай қызметі полиция және әкімдік қызметкерлерімен бірігіп, күшейтілген режимде үгіт-насихат жүргізіп жатыр. Оған 200-ден аса адам тартылды. Өңірде шомылуға тыйым салынған 238 аумақ бар. 4 жағажай заңды түрде қызмет көрсетіп тұр. Былтыр 28 адам суға батып кетсе, оның 10-ы бала.

Жандос Темірғали