Алматыда қаржы пирамидасына қатысты тағы үш адам ұсталды - «Qazaqstan» Ұлттық телеарнасы

Алматыда қаржы пирамидасына қатысты тағы үш адам ұсталды

17.06.2022

Алматыда қала тұрғындарын қомақты сомаға алдады деген күдікпен бірнеше адам ұсталды. Қазір қаржы пирамидасы филиалының басшылығына қатысты сотқа дейінгі тергеу жүріп жатыр.

«Finiko» деген компания ұйымдастырушылары тұрғындарға шамамен 1,5 млрд теңге шығын келтірген. Қаржы нарығын реттеу және дамыту агенттігінің қорытындысына сәйкес, бұл пирамидаға ақша салғандар оны сауда мен инвестиция алаңы деп ойлаған. Ал компанияның өзі дүниежүзілік қор биржаларында тіркелмеген болып шықты.

Жақсылық Мырзахан, қалалық Экономикалық тергеп-тексеру департаментінің өкілі:

Қылмыстық іс бойынша үш азамат қамауға алынды. Тергеу амалдары жалғасуда. Сонымен қатар біздің департаментке бұл азаматтарға қатысты 300-ден аса арыз-шағым түскен болатын. 


Хабарламаларға жазылу