Қызылорда облысында мұнай сарқылса да, жұмысшылар қысқартылмайды

Қызылорда облысында мұнай сарқылса да, жұмысшылар қысқартылмайды. 

Қызылорда облысында мұнай өндірісі төмендесе де жұмысшылар саны қысқармайтын болды. Бүгінде қара алтын өндірісіне қатысы бар 50-ге жуық компания жергілікті билікпен екіжақты келісімге келіп, меморандумға отырды. Қазіргі таңда кен орындарында 10 мыңға жуық адам еңбек етіп келеді. Яғни, мұнайшылардың әлеуметтік тұрақтылығы өңірдің әлеуетіне тікелей әсер етеді. Облыс әкімі мұнай-газ өндірушілермен Ақшабұлақ кен орнында кездесіп, бірлескен меморандумға қол қойды. Мәміледе жұмысшылардың еңбек шартының сақталуын, жаңа кен орындарын ашып, жұмыс көзін ұлғайту көзделген.

Бағдат Байділдә, «Ақшабұлақ» кен орнының басшысы:
Мұнай сарқылғанымен жұмыс көлемі азайған жоқ. Біз әрдайым әлеуметтік жағдайды бақылауда ұстаймыз. Мекеменің барлық қызметкері айлық төлемдерін уақытылы алады.