Волоколамск қаласында қазақ сарбаздарына арналған ескерткіштің іргетасы қаланды

ІІ Дүниежүзілік соғыс кезінде Мәскеу қаласын жаудан қорғауға қазақстандық сарбаздардың ерекше үлес қосқаны белгілі. 

Ресейде  Бауыржан Момышұлы мен Иван Панфиловтың ерлігін білмейтін адам жоқ.

Сондықтан, көрші елде ержүрек жерлестерімізді ұлықтауға арналған түрлі жиындар жиі ұйымдастырылады. Сондай шараның бірі   Волоколамск қаласында өтіп, Мәскеу қаласын қорғау кезінде қаза тапқан жауынгерлерге арналып орнатылатын ескерткіштің алғашқы тасы қаланды.

Жеңістің 70 жылдығына орай, Мәскеуді қорғауға қатысқан ерлердің есімін мәңгілік есте сақтайтын тағы бір ескерткіш ашылмақ.

Нұртас СОЛТАНҰЛЫ