Жаңалықтарды Telegram арнамыздан оқыңыз!Ақтауда «Түп-төркінін төрге оздырған Маңғыстау» этнографиялық күндері ұйымдастырылды. Оның аясында ұлттық салт-дәстүр, жыр-терме, айтыс дәріптеліп, шұбат мерекесі өтті.
Облыстың әр ауылынан келген шұбат дайындаушылар халыққа ұлттық сусынның қадір-қасиетін түсіндіріп, құнарлылығын насихаттады.
Шара қазақтың қонақжайлылығын көрсете отырып, шипалы шұбатты ұлттық брендке айналдыру мақсатын көздейді.
Өйткені, шұбаттың өкпе, ішек, тері аурулары тәрізді сан-мың дертке дәру екені ғылыми тұрғыдан дәлелденген. Мұнда «Бозащы шұбаты», «Қырдың шұбаты», «Аруана шұбаты», «Нар маяның шұбаты» сияқты сусынның сан түрі бар.
Жазира ӘБІЛ
