Көкшетау қаласында өндірісте бір жұмысшы көз жұмды

Ақмола облысындағы «Алтынтау-Көкшетау» акционерлік қоғамында бір жұмысшы көз жұмды.

Қайғылы оқиға бүгін түнгі сағат 2:40-та болды. Алтын өңдеу зауытының реагенттік бөлімшесінде әктасты араластыру кезінде 1974 жылы туған жұмысшының үстіне салмағы бір тонна болатын реагенттер салынған үлкен қап құлап кеткен. Ер адам сол жерде тіл тартпай кетті.

Оқиғаның мән-жайы анықталуда. Тексеріс жүргізіліп жатыр.