Озбыр полиция, біліксіз прокурорға әділетті Қазақстанда орын жоқ

Озбыр полиция, біліксіз прокуор, біржақты судьяларға жаңа әділетті Қазақстанда орын жоқ. Қоғамның және бизнес өкілдерінің құқықтары мен заңды мүдделерін қорғауға сұраныс артты. Енді осы талапқа сай құқықтық жүйесі қажет. Заңнамада мемлекеттің тұрақты дамуын тежейтін еш кедергі қалмауы тиіс. Заман талабына сай келмейтін және күмән туғызатын нормалардың күші жойылады.

Қасым-Жомарт Тоқаев, Қазақстан Республикасының Президенті:

Конституциялық реформа бүкіл құқық саласын жаңғыртуға жол ашады. Парламент пен Үкімет Конституцияға енгізілген өзгерістерге сай Заңнамаға тиісті өзгертулер енгізуі қажет. Қазақстанда тиімді құқық қорғау және сот жүйесін құруға мүмкіндік беретін реформалар әзірленуге тиіс. Мұны әлемдік тәжірибені ескере отырып жүзеге асырған жөн.

Сонымен Конституциялық сот қайта құрылады. Оның қаулыларына жедел әрекет ету тетігі енгізіледі. Сонда ғана азаматтар институттың пайдасына көз жеткізіп, пайдасын сезіне алады.