Жаңалықтарды Telegram арнамыздан оқыңыз!Қазақстан мұсылмандары діни басқармасының төрағасы, бас мүфти Наурызбай қажы Тағанұлы референдумда дауыс берді. «Оқушылар сарайы» ғимаратында орналасқан №59 референдум учаскесінде өз таңдауын жасап, ел ертеңінің кемел де, жарқын болуына тілектестік білдірді. Айта кетейік, бұл учаскеде 1360 тұрғын дауыс береді деп күтіледі. Ал 20-дан астамы іссапарда болуына және өзге де себептерге байланысты есептен шығу қағазын алған. Дауыс беру кешкі сағат 8-ге дейін жалғасады.
Наурызбай Қажы Тағанұлы, Қазақстан мұсылмандары діни басқармасының төрағасы, Бас мүфти:
Алла Тағала осы осы өзгерістерде елімізге үлкен жақсылықтар, ынтымақ-берекенің келуін нәсіп етсін. Бүгінгі тарихи сәттегі берген дауысымыздың ел үшін, келешек үшін берілгендігін нәсіп етіп, қазақ елінің тәуелсіздігі баянды болсын!
