Жаңалықтарды Telegram арнамыздан оқыңыз!Шетелдегі дипломатиялық қызмет ғимараттарында орналасқан референдум учаскелері де дауыс берушілерге таңертеңнен бері ашық. Ыстамбұлдағы №255-ші референдум учаскесіне Түркияда тұратын қазақстандықтар лек-легімен келіп жатыр. Олардың қатарында осында оқитын студенттер, қыдырып келгендер мен жұмыс бабымен жүрген азаматтар да бар. Солардың арасында белгілі жазушы, драматург Роза Мұқанова да бар. Түркітілдес жазушылар фестиваліне арнайы шақырылған қаламгер, шетелде жүрсе де азаматтық борышын өтеу үшін дауыс беруге келген. Ел болашағы үшін таңдау жасауға елден алыс жүргеніміз де кедергі емес дейді шетелде дауыс берген қазақстандықтар .
Роза Мұқанова жазушы, драматург:
Осы аралықта елімізде референдум өтіп жатыр. Мен Қазақстан азаматы ретінде, өзімнің міндетім ретінде дауыс беріп жатырмын. Бұл - Қазақстан халқы үшін тарихи сәт.
