АҚШ Мемлекеттік хатшысының көмекшісі Дональд Лу Қазақстанға келді

Орталық Азия елдеріне сапары аясында АҚШ Мемлекеттік хатшысының көмекшісі Дональд Лу Қазақстанға келді. Америкалық дипломатты Премьер-Министрдің орынбасары, Сыртқы істер министрі Мұхтар Тілеуберді қабылдады. Тараптар Қазақстан мен АҚШ арасындағы стратегиялық әріптестікті одан әрі дамыту және нығайту келешегі жөнінде пікір алмасты. Дональд Лу Қазақстанның әлеуметтік-экономикалық даму үрдісіне оң баға берді. АҚШ әкімшілігі Президент Қасым-Жомарт Тоқаев бастамашы болған саяси реформаларды қолдайтынын айтты.

Дарын Сағитов