Премьер-министр Әлихан Смайылов шейх Халиф бен Заид Әл Нахаянның қайтыс болуына байланысты көңіл айтты

Премьер-Министр Әлихан Смайылов Біріккен Араб Әмірліктерінің Қазақстандағы елшілігіне барып, шейх Халиф бен Заид Әл Нахаянның қайтыс болуына байланысты көңіл айтты. Елші Мұхаммед Саид Мұхаммед әл-Арикимен кездесу кезінде Үкімет басшысы шейх Халифа бен Заид Әл Нахаянның Қазақстан мен Біріккен Араб Әмірліктері арасындағы достық қатынастарды дамытудағы баға жетпес үлесі мен ерекше рөлін еске алды. Сондай-ақ, өз елінің көркейіп дамуына риясыз қызмет еткен басшы жайында жүрекжарды сөздерін елшіліктің көңіл айту кітабына жазып қалдырды.   

Сәбит Әлдебай